ياترى الكلام ده بجد؟؟ولا أهو كلام إبن عم حديت؟؟
كل حاجه أنا أعرفها عن الجنس خطأ؟؟ طيب ليه؟؟وهل الكلام ده يخص الجيل الحالى،ولا ده كلام كان بيعم الجيل إللى فات؟؟
علامات إستفهام وتساؤلات أغلب الظن الواحد أو الواحده لازم يعرف منين بناخد معلوماتنا الجنسيه،من مصدر علمى،والا من بتوع البطاطا ،أثناء الفسحه فى المدرسه ،كلمه من دى لكلمة من دى وغالبآ ما تكون المعلومه الجنسيه طايره ومبتوره،واحده قالتللى إن بنت صايعه هيه إللى علمتها العادة السريه،واستوقفنى وصفها لها "صايعه"،يعنى مصدر غير أمين أو ينظر له بعين ألإحترام،أو غير موثوق به.ا
طيب متيجو نسأل الجيل إللى من زمن فات:منين كنت بتاخد أو بتكون ذخيرتك الجنسيه؟؟
المصدر الوحيد كان مجموعة كتب تتحدث عن الجنس 99%منها بقصد ألإثاره،1% كان لناس محترمين أذكر منها كتاب "الزواج المثالى"،كتاب"مباهج الزواج" هذا بخلاف الكتب التى كان لها طابع طبى وتشريحى بالأخص.ا
فى أيامنا حصل تطور كلنا لامسينه وحاسينه،الفضائيات،الأنترنت،شرائط الفيديو وأظن دول كفايه يكون محتواهم قوى ومؤثر..ومعلم يعنى لما أنشن على القمر ألأوروبى وأعمل ديكودنج وده ممكن بعشرين جنيه أو خمسه وعشرين جنيه،ونشوف إللى بيحصل فى غرف النوم،وعلى فكرة دى صناعه لها مقوماتها ومدرائها ولكن يد المونتاج طويله جدآ وبتلعب دور المثير فى منتجة أوضاع تبدو حقيقيه ولكن فى الحقيقه هى أبعد ماتكون عن الواقع،وده بيعمل عملية "كونفيوشن" للمتلقى وبالأخص البنت،يعنى تدريب عملى قد يحدث آثار جانبيه ..هل نتابع تلك الفضائيات بعد ذلك بقصد ألإثاره والتهييج الحسى،وألا هيه مره واحده تكفى وزى زمان ماكنا نقراه ونسلفه لأصحابنا ويلف المدرسه؟؟

الخلاصه أن التطور الذى حدث قد ساهم نظريآ وعمليآ فى التعرف على المعلومه الجنسيه،ولكن توظيف المعلومه فى الطريق السليم يساوى زيادة خبرته مع الزوجه القادمه،والمساهمه بدرجه لها وزنها فى عدم حدوث فشل فى المره ألأولى وليس إستثمار تلك المعلومات فى ألإعتداء على بنات الناس وهتك ألأعراض،والإغتصاب الذى نما وتزايد حتى يكاد أن يكون ظاهره مجتمعيه..ا