العربيه المكركره

ليه مانكونش مليانين بروح التحدى وإشراقة ألأمل،طالما بنحارب علشان قضيه كلنا مؤمنين بيها،وبنحاول كل يوم نكسب نقطه قصاد العقول المتحجره والتى تفكر بأقدامها وتمشى على رؤوسها؟؟
مدونات تبتدى بدايه نشيطه ومتحمسه جدآ جدآ وبعد كام يوم تحس أنها نامت فى الخط وكل عشره أو خمستاشر يوم لو كتبت حدوته كل إشن كان(هيه تتقال بس صعب لو إتكتبت)،مثلا مدونة أنا مثليه:تحس فى أول المدونه أنها هتهد الدنيا،ومن يومها لغاية النهارده مشفناش حاجه،الظاهر بتصيف فى لبنان
ياجماعه ما يكتب لايقرأ كله ولكن فيه مثل بيقول العيار إللى ما يصيبش يدوش،فلو الناس إللى منضمين لحزب أبو الهول وإخواته الثلاثه ماقدرناش ناخذهم لصفنا ووجهة نظرنا فى الدفاع عن وضعنا يمكن لو قروا إللى بنكتبه يعشش فى مخهم ويحول جمجمتهم ويتعاطفوا ويانا،وعلى فكره الناس الخواجات إللى بره ماأخدوش جزء كبير من حقوقهم إلا لما تعبوا وعملوا حاجات كتير ياريت نعمل نصف ماعملوا ولا نكون زى العربيه إللى بتقطع ويقولوا عليها مكركره