CLICK HERE FOR THOUSANDS OF FREE BLOGGER TEMPLATES »

Saturday, July 28, 2007



كالعادة ومن فضل حضرتكم ياساده
أعزم توتايه عالقهوه بس تكون ساده
ليه توتايه يعنى مال بنات كتير وزيادة؟
مافيه زيزى وعيشه أوروزه وسيادة


ياسيدى ما بيجمعنا سوى حزن وألم
جوانا لازم يتكتب عال ورق بالألــم
ميحس بينا غير إللى عانى أوإتظلم
من إللى كان عليه يكرمه آخر كرم

توتايه بتصرخ صوتها راح وإندبح
وأنا بقلبي إللى أنطعن وإللى أنجرح
كان ألأمل بدل ده يكون سرور وفرح

مجاش الهوا سوا لقيت عقلى سرح

ألأب نخله طروفها ضلايه وطرحها بلح

يحس بنا عال بعد لو رحنا غزه أو رفح

والولد بيقولوا ده سند أبوه وعصايته

لما العمر يمر والقطر يوصل لنهايته

أسألك توتايه حسيتى لأبوكى ضلايته؟

جاوب لما صرختى قال آه ياضنايته!

ردت توتايه عليا بابتسامه فاتره بهتانه

أبويا مديتله إيدى بصلى بقرف ومهانه

شايفه فى الفنجان إبنك فى طبعه خيانه

أكيد لاهيزورك هنا ولا حتى فى جبانه

يبابا ده نصيبنا وده حظنا وده المكتوب

ما نقدر عليه ندعى ربنا وربنا رب قلوب

2 comments:

Heart Beat said...

سلامتك بس يا احن اب

خير تاني موضوع يكون في حزن

اتمنى ان قلبك يروق من الجرح و لا الوحدة دي

انت و توتايه اتمنى ان مايكنش في حاجه مزعلاها هي كمان

Anonymous said...

يارب يبعد عنك اي حزن انت و توتايه ياجميل
روق كده و الله مامستاهله