ألأخبار بين القهر وألإنبهـــــــــــــار

أطلقت وزارة الشئون ألإجتماعية ألإماراتية حملة تستمر حتى نهاية

العام،تهدف للتصدى لظاهرة الجنس الرابع أو الفتيات والنساء

المتشبهات بالرجال والاتى لهن ميول جنسية نحو الفتيات،ويعرفن

ب"المسترجلات"وقال مسئولون فى الوزارة :إن المبادرة التى

تحمل عنوان "عفوآ إنى فتاة"تهدف إلى حماية المجتمع من هذة 

الظاهرة ألآخذة فى التزايد.ا

وتعد هذه المبادرة أول إقرار رسمى بظاهرة "المسترجلات"التى

باتت ملحوظة فى ألإمارات،وانتقدتها صحف ووسائل إعلام محلية.ا

أما ناس حشرية صحيح؟؟وانتوا مالكم ومالهم،كل واحد ينام على

الجنب إللى يريحه،وبرضه كل واحد وواحدة حر فى بتاعه..مش

كده والا إيه؟؟

فى نبأ عاجل من مدونة "شمس المحبة " الخليجية أن مجموعات من الرجال فى جنوب أفريقيا

تغتصب المثليات ،إعتقادآ منهم أن ذلك سوف "يشفى"التوجه الجنسى لدى هؤلاء النساء وقالت

منظمة "أكشن أيد" غير الحكومية فى تقرير بعنوان "جرائم الكراهية..زيادة الاغتصاب الأصلاحى

فى جنوب أفريقيا" إن المثليات يتعرضن بشكل متزايد لإحتمال الأغتصاب ،وخاصة فى المناطق

التى تعتبر فيها المثلية أمرآ محرمآ إلى حد كبير.وأصبحت جنوب أفريقيا أول دولة أفريقية تسمح

بزواج المثليين فى عام 2006،لكن المثلية الجنسية مازالت تلقى استهجانآ على نطاق واسع

باعتبارها أمرآ "غير أفريقى"ا

يافرحة ماتمت..من تلات سنين قلنا جنوب أفريقيا دول ناس بيفهموا عننا،وسمحوا بزواج

المثليين والمثليات،وكان ده عن طريق المحكمة التى شافت أن المثليين والمثليات دول

ناس زيهم زى خلق الله،من حقهم يتجوزوا ويكونوا أسرة بينهم وبين بعض!.ا

الظاهر ان الناس فى تفكيرها بترجع لورا،وأن التفكير العربى ألأسلامى بهت عليهم

وتصوروا أن المثلية علاجها بالشتيمة وزغدها فى دراعها،ويقولولها عيب اتكسفى

على عرضك وبلاش الحاجات إللى بتخترعوها من نفسكم دى وتقولوا عليها ده

إحنا إنظلطنا كدة ؟؟بلاش مياصة يابت إنتى وهية والمرة الجاية ماشوفش

واحدة منكم بتقول أنا مثلية..أنا مسترجلة؟؟شوف ياأخى

 

 

نسيب المثليلت والمسترجلات والمثليين والمايصين وندخل على خبر تانى:ا

إتناشر ألف(12)شاب إنتحروا بسبب البطالة فى 4سنوات

ومذكرة ل"الشـورى" ارتفاع نسبة العاطلين إلى 22%يصيب الشباب بالأكتئاب

تقدم النائب أحمد الزهرى-عضو مجلس الشورى-باقتراح برغبة الى 

صفوت الشريف-رئيس المجلس- لمعرفة سياسة الحكومة بشأن مشكلة البطالة

التى أصبحت تؤرق المجتمع وتهدد أمنه خصوصآ فى ظل تضارب

البيانات حيث تؤكد وزارة القوى العاملة ،أن نسبة البطالة 

لاتتجاوز 9% فى حين تؤكد تقارير البنك الدولى أن النسبة تخطت 22%بينما

تشير منظمة العمل العربية إلى أن النسبة لاتقل عن 23%،وقال النائب :ا

إن البطالة تحدث أثرا سلبيآ فى نفوس الشباب وتدفعهم للعزلة والأكتئاب

لفقدهم العدالة ألأجتماعية بعد أن تخلت عنهم الحكومة منذ عام 1984

بإلغائها مكاتب القوى العاملة وتبنيها سياسة الخصخصة التى أفرزت آلاف

العاطلين فى مرحلة الشباب لينافسوا شباب الخريجين

وأضاف أن هذه الظاهرة أفرزت ظاهرة أخرى جديدة على المجتمع المصرى

وهى فقدان الشباب للولاء والأنتماء للوطن،وأكد الزهرى أن إحصائيات المركز

القومى للبحوث الجنائية والأجتماعية تشير إلى انتحار 12ألف شاب خلال

المدة من 2005 حتى 2008،ففى عام 2005 انتحر 1160شابآ ثم قفز هذا

الرقم عام 2006 ليصبح 2355 وفى عام 2007 أصبح 3700 وتضاعف 

هذا الرقم عام2008 (أكثر من 7آلاف منتحر)هذا بخلاف آلاف الشباب 

الذين يموتون فى الهجرة غير الشرعية باعتبارهم منتحرين فرغم تأكدهم من

قلة إحتمالات النجاة إلا أنهم يغامرون بحياتهم من أجل إيجاد فرصة عمل

الراجل ده هايجيبلى سكتة قلبية ويموتنى وانا عندى 70ربيعآ

باين عليه نايم على ودانه ومايعرفش إن دى سياسة وهوه مايفهمش فيها..ده خفض لمعدلات

الزيادة السكانية،ومن ثم فالأنتحار ماشى فى السكة العدلة إللى راح تقلل من

البشر إللى عاملين زى النمل فى الشوارع.

الحاجة التانية بيقول إن فيه بطالة وكلام زى كده؟؟إزاى والشغل على قفا

مين يشيل؟؟يعنى مثلآ خريجين كليات العلوم قسم جيولوجيا يمكن يشتغلوا

وبسهولة جدآ فى المحاجر يقطعوا الحجر فى جبل المقطم أو ينقوا الزلط 

إللى فى الشوارع،وبتوع الكيميا ممكن يقلبوا فى الزبالة إللى مش عارفين

نوديها فين،ويحولوها لألياف صناعية،ومواد جديدة نستخدمها ،مش

همه دول بتوع الكيميا إللى بيحولوا التراب لدهب؟؟يعنى سهل قوى يحولولنا

الزبالة لدهب..موش صعبة،وخريجين قسم الحشرات دول لهم شغل مضمون جدآ

ممكن كل واحد يمسك مذبة أو فيه ناس يقولوا عليها منشة،ويقتلوا فى الدبان 

إللى بيطير فوق راسنا ويحط على أكلنا،ويسبب النزلات المعوية وحاجات

كتير إنتوا عارفينها،أما خريجين الزراعة فشغلهم مضمون جدآ ،كل واحد يمسك 

فاس وجرم على ضهره وينضف أدام بيته،ويزرع شجرة،ممكن تكون نخلة

أو شجرة ورد يقطف منها كل يوم وردة ويهديها لحبيبته أو أمه أو أبوه علشان

يفرحوا بابنهم الباشمهندس بتاع الزرايع،أما بتوع الهندسة فأظن مش

محتاجين نقولهم ينظمولنا المرور بالمسطرة والبرجل أحسن بينى وبينكم

المرور بأه حاجة تحزن أوى لكن الشىء المنضبط فيه هوه المخالفات إللى نازلة

ترف على قفا خلق الله،إخوانا المحامين وخريجين الحقوق يقدروا يفكوا الخناقات

إللى بنشوفها بين الناس لأتفه ألأسباب،وبكده يساعدونا فى أننا نعيش فى تبات ونبات.

بقى ياراجل من سنة 1984 ومافيش شغل ولا تعينات وجاى النهارده ولسة بتفتكر؟؟

ياراجل روح بلا إنتماء بلا إنكفاء ده كله عند العرب صابون ،وإللى شغال زى

إللى موش شغال،بس ماتنساش تتعوذ من الشيطان الرجيم قبل ماتنام علشان 

ألأفكار الوحشة دى ماتحلمش بيها وتصبح تعكنن على البيه صفوت وتقل مزاجه...

داهية تقل مزاجك ويارب تصبح بكرة تلاقى نفسك من غير شغل..أو ينادولك ويقولولك ياأمينة قول آمـــــــــين