تيجوا نهرب من الحر وأيامه...ا

مازلنا فى شهور الصيف..نتوقع زنقات حراريه..ولفحات ناريه
من أسوان جنوبآ حتى المنصوره شمالآ،الناس مش طايقه
نفسها،الحل أننا بنهرب من حر الصيف ونطفش فى المصايف


MySpace Icons

مصايف مصر زى الناس معادن ..فيه معدن نبيل وفيه معدن رخيص
مصر النهارده العدل فيها مكسوف ومش قادر يظهر أو يبان
بيقولوا إن 95%من دخل مصر بيروح ل5%فقط من سكانها
وعليه فال5%دى لها مصايفها وأماكن التغيير ليها ودى
معروفه إشى مارينا..وإشى قرى سياحيه..وإشى غردقه..
وحاجات كده بنسمع عليها أو بنشوفها فى الصور
آخر مره سمعت عن مارينا..لما المحروس إبن الباشا
الكبير قتل طالب فى كلية الهندسه ،وبابا طبعآ فام بالواجب
ودفع بسخاء وفى يومين كان كل شىء كأن لم يكن
ودى هيه الحلول العمليه إللى يجب تحصل فى وقتها..لسه هانستنى
محاكم ..وقضايا..وفتحت الجلسه ..ومحكمه،وكلام لا يودى ولايجيب
هيه دى الفلسفه البراجماتيه فى أبهى صورها،والا إيه؟؟؟
المهم ألأماكن دى مش للمصريين(ال95%ولكن هناك مصايف
زى جمصه أو مثلآ حاجه كده زى راس البر..أو بلطيم
أو بلاجات الغلابه فى الأسكندريه...تقدر يعنى باللبيسه..تقضى كام يوم
تنسى فيهم الحر ورزالته

MySpace Icons

ربطت شنطى وزى مابيقولوا زقيت عجلى على راس البر
...البلد زحمه جدآ..ألأوتيلات كومبليه،وحاولت أجد غرفه محترمه
كان من حظى أن وفقت لغرفه إستهلكت نصف الميزانيه
المرصوده للتصييف..الدمايطه شاطرين قوى..كل حاجه بضعف سعرها
تصور الجرايد والمجلات لازم يرفعوا سعرها ويبيعوها
أزيد من الثمن المحدد لها؟؟ألأولاد الصغيرين بيبيعوا على
الشاطىء ..كل حاجه من أول أم الخلول حتى فساتين وعبايات
حريمى..جيلاتى..دره مشوى..مناديل بأويه حريمى
كل ماتتصوره يباع عن طريق الدمايطه..علشان كده
ماتستغربش لو أقولك إن دمياط البلد الوحيده فى القطر
المصرى التى لا يوجد بها بطاله؟؟صدق أو لاتصدق
لايهتمون بالمظهر العام ..يكاد يكون أقل من المتوسط..المهم
ما يرجع به آخر اليوم لبيته من نقود

MySpace Icons

إقتربت من أحدهم ..طالب فى المدرسه الثانوى..يقول لايعرف والده عنه شيئآ
ملابسه..مصاريف كتبه والمدرسه..دروسه الخصوصيه
كل هذا من مكسبه أثناء المصيف؟؟؟
ياااه علشان كده باقترح أن يكون وزير ألأقتصاد المصرى
من دمياط..جربوا كده وشوفوا بلدنا هتبقه إزاى....ا