تفتكر......ا
لأ مافتكرش....أ
طيب ده أنا لسه ماكملتش كلامى..إنت عصبى كده ليه؟؟
يقول لى:أنا لاعصبى ولادياولو،أنا مش طايق أكلم حد
ولاأتكلم مع حد...أنا عارف جايلك نفس تتكلم إزاى؟؟
وببلاهة شديدة رفعت إحدى حاجبى وطرطقت إحدى
أذناى لأستفهم منه ...هوه فيه إيه ولامؤاخذة؟؟
ينفجر فى وجهى هاذيآ بكلام غير مفهوم ،إلا من بعض
كلمات منفردة تدل على أننا نعيش أيام أسود من قرون
الخروب...يعنى سيادته مش راضى عن إللى بيحصل
تمامآ....ولكنى ببرود تام حاولت أن أسأله وقد لبست
ثوب البلاهة من تانى لأستفسر منه عن حقيقة مايجرى
يقول محدثى لافض فوه:ا
إحنا بنعيش فى أحلك أيام حياتنا..الثوار دمهم حامى و
مفكرين إن ألأجهزة الوزارية بيدها عصا موسى إن كان
هناك عصا من أصله أو لديها زر تحضر بيه العفريت
وتقدر تعمل إللى ماحدش قدر يعمله..يعنى على سبيل
المثال رئيس الوزارة بيسوق العربية إللى راكبها
بسرعة 11كيلو فى الساعة وقراراته الظاهر والعلم عند
الله مابتخرج من درج مكتبه إلا بعد موافقة العسكر
والعسكر الظاهر مش عاوزين يتخذوا قرارات مصيؤرية
علشان ماتتحسبش عليهم والناس يقولوا :الله يخرب
بيت الشيطان دول ضيعونا ..دول قفلوا بيوتنا..دول
جوعونا..وانت عارف الناس مولعة خلقة من أيام
قصير الديل طويل العمر ؟؟عرفت ياغبى؟؟
كلمة غبى لم تعد تستثيرنى البتة،لأن كل الناس
أصبحوا يقولوها لى بمناسبة،أو من غير مناسبة يعنى
ولامؤاخذة عمال على بطال،إنما بينى وبينك أنا حاسس
إنهم هم ألأغبياء أما أنا فأنشتاين عصرى أو قول زويل
زمانى..أنا فاهم كل حاجة بس مدكن وباضحك على الناس
شفت إزاى؟؟؟
يقول لى عظمته وهو يكاد يجعلنى كمجبرآ على أن أستحم
بسائل يخرج من بين أسنانه ومن بين شفايفه :
ماقدرش أقول عليك غير إنك غبى
أطأطئ رأسى وأخلع القبعة التى ألبسها فى أم راسى لأقول
له بالفم المليان:
ماجبتش حاجة من عندك ...ماكل الناس بتقول عليه كدة
ياترى بكرة هايكون أحسن من النهاردة؟؟بابا عصام
شرف بيقول كدة،والعسكر بيقولوا كدة..لكن الشعب مش
مصدق ومابيقولش كدة..ياترى أصدق مين ولا مين؟؟
أقولك أنا هاعمل إستخارة وأشوف مين الصح ومين الصح
برضه...سيبنى إحياة أبوك علشان أنزل ميدان التحرير
ألإسماعيلية سابقآ
No comments:
Post a Comment