بيج وبيج وبيج يبقوا بجابيج....عفوآ سيدى الخنزير

فاكرنى هصالحك وأقولك بطلت تيجى عندى ليه؟؟

والا يمكن أستسمحك علشان تزورنى كل يوم؟؟

لأ ياسيدى موش هاقولك كلام منده خالص!!ا

لسبب بسيط أن رمضان بهت عليا أنا كمان و

أصبحت أقوم من النوم الساعة واحدة بعد الظهر

وده بسبب استرسالى فى سماع الشيخ فلان وغيره

علان،فى القنوات الفضائية التى تجاوز عددها

خمسة عشر قناة،ودول إللى أعرفهم ويمكن يكون

ماخفى كان أكثر،المهم أنى ضربت بالمسلسلات

التى تجاوز عددها ستون مسلسلآ،والعدد فى الليمون

حيث أن هذا الجيش العرمرم من تلك المسلسلات

قد فشل من أول حلقة أن يجبرك على أن تجلس كما

ألألف المد على كرسى قد يكون معدآ وخصيصآ لتلك

المناسبة ومن مواصفاته أن يكون وثيرآ،يعنى بالعربى

كرسى منجد حتى تستطيع أن تتحمل مقعدتك كل هذه

الساعات التى ستتجشم عناء قضائها أمام التلفاز؟؟

لقد كانت المسلسلات من الكثرة بحيث جعلتك فى

وضع مشتت أو منتوش فلن تستطيع التنشين على

مسلسل لتتابعه،حتى ينقض عليك مسلسل آخر يتفوق

على ألأول فى أن يخطف الوقت منه وهكذا فالتخمة

هى الخاصية التى تحلت بها المسلسلات الرمضانية.ا

وقد أشار بعضهم فى سياق النصيحة لجمهور المعلنين

ألا يتسابقوا،أو يتناحروا على الفوز بالوقت الممتاز

للأعلان(وهو الوقت الذى يعرفه خبراء ألأعلان فى

الوكالات ألأعلانية،والمعلنون أنفسهم)نحو الفوز بانتباه

المشاهد وتذكيره المستمر بالمنتج إللى عليه العين

والنية....ا

لذلك من أول يوم كنت تلميذ بليد لم يقوى على الأستمرارية

لمسلسل واحد،وعملت شيفت للقنوات الأسلامية على أجد

شيئآ يستطيع أن يغير من فكرى أو يستقطبنى نحو الدش الكثير

الذى يجهد فيه مشايخنا ألأفاضل أنفسهم بقصد التوعية الدينية

والمعلومة الرمضانية لجمهور ألأخوة المسلمين؟؟

بيتهيألى لحد هنا والكلام لاغبار عليه؟؟أما لو عرفت أنك لويت

بوزك تعبيرآ عن ألأمتعاض،أو كشفآ عن الضيق والرفض

فأنت من الفريق البدرى (نسبة إلى المأسوف على فكره)الشيخ

يوسف البدرى الذى أحب أن أقوم بتعريفه بأنه شيخ البقدونس

الذى يحب أن يتحشر فى كل شىء؟؟ليه ماتعرفش

سيبونا من البدرى والوخرى وتعالوا نطلع على الهوا مع أى

شيخ ينبرى لتعريف الناس برمضان؟؟طيب ياسيدنا أو

ياشيخنا بقالنا 1400 سنة بنعرف فى رمضان وفضائل

رمضان،وخيرات رمضان،وحسنات رمضان،ولسه حد

مايعرفهاش حتى ألآن؟؟وأذكرك وأذكر نفسى بالمثل الذى

يقول::العايط فى الفايت ده يبقى نقصان عقل؟؟موش كده

والا إيه؟؟

يتحدث سيدنا عن المتنيح القرطبى،أو الجلالين(المحلى

والسيوطى)،أو الزمخشرى ولا ينسى البخارى ومسلم

فلابد أن يرد ذكرهما،كأصدق كتاب بعد كتاب محمد؟؟

التجديد فى الخطاب الدينى للمسيحى والمسلم على حد

سواء مطلوب بل مطلوب وبشدة،فقد سئمنا التكرار

رغمآ عن إيماننا العميق بأن التكرار بيعلم الشطار

وبلاش الكلمة التانية!!ا

الفترة الماضية لاأكتمك سرآ أنى قد غفوت،أو أصابتى

سنة من النوم(على فكرة أنا باستعير بعض كلمات

من كتاب القرآن،فهو كتاب على المشاع يقرأه المسلم

لأنه يعتقد بأنه مرسل من السماء،لذا التقديس

سمة ملازمة معه،ومن حق من هو على دين مغاير

أن يستعير منه بعض العبارات التى تلقى قبولآ،أو

إستحسانآ هارمونيآ،أو لغويآ،رغم إدعاء البعض

ممن ينتمون لأصحاب السلك الضارب أنه ليس لنا

أدنى الحق فى حمل هذا الكتاب،أو حتى ألإستشهاد

ببعض ماورد فى متونه؟؟بالذمة ده كلام؟؟الهذا الحد

أكل الظلام قلوبهم،وتكأكات عليهم ألأحقاد بهذا

الشكل؟؟

أثناء غفوتى وقف أمامى ولامؤاخذه خنزيـــــــــر،نعم

أقسملك بأنه خنزير بشحمه ولحمه،رغمآ عن عدم وجود

صداقة حميمة أو ود متصل بينى وبين الخنازير،فأنا لست

من مفضلى أكل لحومهم لعلمى بأن لحم الخنزير به من

بعض ألأشياء مايجعله فى خانة الحذر والحيطة قبل أن نتناوله

فهو مسبب لزيادة ترسيب حمض البوليك فى الجسم،ومن ثم

فهو معجل أو مسرع لحدوث مرض داء الملوك..لذلك ومن باب

إبعد عن الشر وغنيله فأنا لاأتناوله إلا مضطرآ فى مناسبة.ا

رحبت بالخنزير الذى إبتدرنى بعتاب مرير؟؟خير اللهم إجعله

خير؟؟فيه إيه يابجبوج(وهو إسم الدلع للخنزير حيث أن

إسمه بالأفرنجى.....PIG

لذلك من باب الدلع أناديه ببجبوج..ولم يبتسم أو يغير

من ملامحه المنكوشة،فعلمت بينى وبين نفسى أن ألأمر جلل

فأدرت دفة المناقشة لما هو جاد أو غير هزل..

ماتقول واتكلم زعلان ولاوى خلقتك ليه

وجدت الدموع تنساب من مقلتيه..مكملآ الحديث بلهجة إستعطافية

بقى دى حركة جدعنة تعملوها فيى أنا وأهلى وعشيرتى؟؟

بالذمة ده كلام؟؟تقتلوا إخواتى وتدبحوهم جزر وتقولوا

أصل علشان نمنع إنفلونزا الخنازير إنها تدخل مصـر؟؟

طيب إشمعنى الدول التانية ماجزرتش خنازير عايشة

عندها؟؟ياريتك تقوللى وتسمعنى الدول دى إزاى تعاملت

مع الخنازير أخواتى وأولاد عمومتى وإيه البروتوكول إللى مشيوا

عليه فى سبيل ألإحتياط أو الوقاية من الخطر الذى سيصيبهم؟؟

بينى وبينك فى نفسى لم أستطع أن أجد التبرير المقنع للأستاذ

خنزير أو بجبوج ...إلا أنى قد قتح الله على بكلمات قيلت

كيفما أتفق..

شوف يابجبوج:معلهش إحنا هنا فى الشرق السعيد بنفضل

ألأنسان وبنحترمه،وبنعامله معاملة لطيفة جدآ،وبنعتبره

ثروة بشرية،ألأنسان الشرقى العربى المصرى تمنه غالى

جدآ،بدليل أن لما يحصل حادث ما لاسمح الله ،فى تصادم

قطارين ببعض،أو حادثة على الطريق،وده موش إسم يا

بجبوج لفيلم من إخراج خالد الذكر جــــو ولا حاجه،ده ده

الواقع الجميل إللى حكوماتنا الرشيدة بتقيم وبتوزن

ألأنسان بهذا القدر وذلك الثمن...إنت يابجبوج مفكرها

لعبة؟؟؟طبعآ لازم نضحى بالبجابيج إللى كان على حسها بتقوم

تجارة وكانت فيه بيوت مفتوحة على حسها،بس بينى وبينك

يابجبوج ياخويا،إللى كان بيتاجر فى صنف البجابيج،قلة من

الناس إللى بالى بالك فى منطقة المقطم ،ودول ناس واقفين

لمصر زى العقلة فى الزور..وماقدرش ياأبو البجابيج يااخويا

إنى أتكلم أكتر من كدة...أنت ماتعرفش أن أنا أنتمى لك بصلة

قربى يابجبوج ياأخويا؟؟الناس بيدعوا علينا أنا وأولاد

عمى وأخواتى كل يوم جمعة وبيأكدوا الصلة الوثيقة وذات

القربى بيننا وبينكم،فنحن يدعون علينا على أننا أحفاد

القردة والبجابيج؟؟تصور طلعنا قرايب يابجبوج ياأخويا

يعنى يمكن لو فيه وباء قادم-لاسمح الله-يمكن وأنا لاأستطيع

أن أجزم لسيادتك أننا سوف نذبح مثلكم تمامآ والحى أبقى من

الخنزير ياسيد باجبوج..فهمت والا لسه؟؟

يتمطى السيد بجبوج ويتثاءب ويبدو أنه كان فى مهمة فوقية فى

السماء إذ جاء له إستدعاء ما لمناسبة ما كى يشارك ويحتفل؟؟

والعهدة على الراوى...يمكن!!ا

شوف إسمع،أنا ساكتلك من أول الحديث على أمل إنك تكون

معايا،أو تشد من أزرى،أو تخفف عنى مصيبتى ،لقيتك سايق

فيها وفاتح على الرابع..؟؟

إنسان إيه إللى بتتكلم عليه ياعم جورج؟؟ده ألأنسان عندكم

لما بتدهسه عربية،بيلموا عضمه ويغطوه بورق جرايد؟؟

مش كده والا أنا غالطان؟؟؟

ماتفكرنيس علشان خنزير موش فاهم إللى بيحصل من ورا

ضهرنا،إللى عندكم بيموت ولامؤاخذة فى عبارة،الشر بره

وبعيد بيحصل إيه؟؟بيعوضوا أهله كام؟؟بيحاكموا المسئول،ولا

بيساعدوه على الهرب؟؟وتقولى إنسان..وقيمة،دى لامؤاخذة

دى بريمة بيعطوها لكل مواطن علشان يستخدمها يمكن تريحه

ويحس...يحس بأى حاجة..المهم أنه هايحس

يابنى آدمين؟؟ده إحنا خيرنا عليكم ومغطيكم،من فوق لغاية

خناقة رجليكم..

وانتفض من مكانى لأقاطعه قائلآ::

فضل إيه إللى بتتكلم عليه ياسى بجبوج..فكرنى كده؟؟

آه إن كنتم نسيتم إللى جرى هاتوا الدفاتر تنقرا..وانت راجل صيدلى

مافاتش عليك زجاجة إنسولين كان المريض يتلهف عليها

ليقاوم نقص ألأنسولين تبعه،وبكده إتحلت مشكلة مرضى

السكر؟؟

بينى وبينك ساعتها إحمر وجهى خجلآ من بجبوج،لأن كلامه

صحيح 100%حيث أن ألأنسولين المستخدم فى علاج

مرضى السكر يتم الحصول عليه من الخنازير،وقد كانت طفرة دوائية

لما ظهر هذا الدواء وعاش مريض السكر بعد طول معاناة وموت كان

محققآ...بفضل الخنزير

أفحمتنى يابجبوج ولازم أقف إحترامآ لك،وأرفع القبعة وأحييك

على الجهود الجبارة التى قدمتها للجنس البشرى وماتم من مقابل

حيث قاموا بقتلك وذبحك وفضحك وتجريسك؟؟؟

تقول إيه ياسيد خنزير...ماهم بنى آدمين!!!!!!ا