CLICK HERE FOR THOUSANDS OF FREE BLOGGER TEMPLATES »

Tuesday, September 25, 2007

ممكن سيادتك تقوللى هتتصرف إزاى..لو حدث ذلك؟؟





أمس كان موعدى مع نفسى أن أشخبط ما يأتى على دماغى من فكره أو حدوته
فالصراحه أنا لاأتجشم مشقة ألإعداد أو التحضير أو عصر المخ،بل أعتمد
على اللحظه وعلى كلمة..يامسهل..فهى بالنسبة لى سلعه مستخدمة بكثره،وعليه
فقد كتبت عن موضوع..لاأتذكره ألآن ووصلت إلى مرحلة التوضيب النهائى
ثم حدث مالم يكن فى الحسبان...إذ إنقطع التيار الكهربى فى لمح البصر ثم أتى
لأفقد ما كان مكتوبآ ويذهب كل ماكان معدآ!!ا
الموقف ده كان ممكن يخلى ضغطى يرتفع إلى رقم أنا لست بحاجه لأن يصاحبنى
أو أن أكون فريسة لتأثيره الذى أنا فى غنى عنه،وقد أصرخ من فرط المفاجأه وضياع
ماهو أثير لدى!!اوقد أتنرفز وأسب وألعن الزمن وبالطبع مصلحة ألكهرباء...إلخ







ولكن تصور ماجاء بخاطرى لحظتها رجل لا تتوقع أن يأتى على خاطرى فى لحظة
عصبيه كتلك،إنه الخواجه"إيزاك نيوتن" الذى كان يقتنى كلبآ..وكان هو جليسه وسميره
وللعلم "إيزاك نيوتن"كان ينتمى للجنس المثلى..ولم يقترن بالست حواء ولم يكن يطيق
أن يسمع سيرتها،المهم وكما تعرفون أن "إسحق نيوتن" هذا كان عالمآ فى الرياضيات
ومحدثآ مخلقآ للقوانين الطبيعيه،ومعالجآ للظواهر الفيزيائيه،يعنى أبحاثه كانت
على الورق ،وورقه من هنا على ورقه من هناك تجد نفسك فى يوم ماطلعتلوش شمس تسمع
أن سير"إيزاك نيوتن" قد توصل إلى دالة رياضيه..أو لقانون حركه ما..لأ ياربى ده
صاحب ثلاث قوانين موش قانون واحد فى قوانين الحركه..وتعرف بإسمه..إلى هنا ولم يحدث
جديد..لأ فيه جديد..يوم أن خرج "سير إيزاك" وترك البيت فى حراسة الكلب ألصديق ليرجع وقد
إنقلبت شمعة ألإستضاءه التى كانت بالقرب من مكتبه على أوراقه..لتأتى عليها وتحدث الكارثه
المنطقيه بعد ذلك!!!اماذا فعل أخونا "إيزاك نيوت"ن؟؟؟
لقد توجه إلى الكلب الذى أصبح غير أمين ليقول له..لماذا فعلت ذلك ؟؟ألا تعلم ياعزيزى أن ذلك
يعد خطآ جسيمآ؟؟
هل هو البرود ألأنجليزى؟؟أم هو القدره على ضبط النفس والتصرف بحكمه فى الظروف
العصيبه؟؟
طيب بأمانه قوللى لما سيادتك تدخل البيت وتلاقى الست "أم إيساف "زوجتك المصونه ماطبختش للآن؟؟
تفتكر هاتقولها إيه؟؟!!ا
أعتقد أن الجيران ستسمع..وده هوه الطبيعى عندنا..ديكك وديك أبوكى وإللى خلفوكى..وكان
يوم أغبر يوم ماتجوزتك..أنا عارف أنا متجوز واحده عويله..ده حتى اللقمة
إللى عاوز أتسممها ماتعملتش لغاية الوقت؟؟دى عيشه تزهق..يارب إرحمنى بأه..
وتوب عليا من عشرة البلوة دى؟؟ الكلام ده يحدث فى جمهوريه زى جمهورية بولاق الدكرور
أو مستعمرة من مستعمرات عشش الترجمان أو المحمدى..جايز أو ممكن
إنما فى جزيرة الزمالك أو فى فسقية جاردن سيتى فأنا أتوقع أن البيه سوف ينظر إلى المدام ويرسم إبتسامه رقيقه
على شفتيه ويقول لها :أنا عارف ياحبيبتى إن مشاغلك فى البيت خلتك تتأخرى ..بس أنا متأكد
إن ده مش هيتكرر إن شاء الله..مش كده ياحبيبتى..ويطبع قبله على جبينها ..ليجعلها فى نص هدومها
وعلى رأى المثل..وكل لبيب بالإشارة يفهم..,الا إيه؟؟
لازم نتعلم إزاى نتحكم فى أعصابنا..إمتى نبتسم..إمتى نصنع وجهآ آخر غير الوجه الذى إعتادت الناس
أن ترانا به..حتى لانفقد إتزاننا النفسى ،ولا نستقبل أمراض نحن فى غنى تام عنها..ساعتها هنشوف مجتمع
هادىء..وحياة يسيره هادئه..بس يمكن نقول إحنا عايشين فين؟؟إحنا فى الجنه..والا فى المدينه الفاضله؟؟؟

10 comments:

Heart Beat said...

عزيزي صاحب القلب الطيب

حلو الموضوع ده

ساعات كده حاجات بتحصل و احنا بنكتب موضوع معين عشان ننشره في المدونة و الحاجات دي تخلينا نغير رأينا و نكتب موضوع تاني خالص

انا ممكن اتحكم في عصبيتي بس ساعات بقى ما اقولكش يعني لما بتعصب جدا تلاقيني خلاص بقى قلبت بقيت شخص تاني خالص

حتى حبيبتي بتسمي القلبة دي حاجه كده لذيذة و تلاقيني بعد شوية كده هديت ده لو كان الموضوع بسيط مثلا اما بقى اذا كانت حاجه كبيرة ممكن اقعد نص يوم كده و لا اكتر شوية عصبية و متنرفزه جدا

بحاول بقى الغي التصرف السيء ده مع انه بيحصل نادرا جدا بس مش بحب نفسي و انا بعمله خصوصا لما اتعصب على حبيبة قلبي و هي ارق انسانة كده بحس بعدها اني غبية اوي اني اتعصبت عليها

في ناس مش بتقدر فعلا تتحكم في عصبيتها و بالتالي تلاقيهم عندهم امراض كتيرة منها الضغط و السكر بعد الشر عننا كلنا و مع ذلك برضه بيتعصبوا

Egypt Rose said...

ازيك
عامل ايه ؟؟ انا عمرى ما تعصبت في حياتي ومعرفش يعني ايه عصبية .. بس سعات كثيرة بيحصل ان الكهرباء تنقطع و الكلام يتبخر من الكمبيوتر العزيز .. في الحالات المشابهه باكتب تاني م اهو انا اللى كتبت اولاني

العصبية فعل احمق يحب التخلص منه ذى السجاير كدة وجع قلب على الفاضي

"Gay Boy" Weekly (Blogger Ricky) said...

ازيك يا احلى جورج بالدنيا

وحشتني اوي

انا انسان عصبي حبتين...لما يفصل النت اعصب ولما واحد يتأخر علي اعصب بس بعدين تعلمت اني اخذ الامور ببساطة اكثر

انا مثلا لما اكتب بالبلوج اكتب في اللحظة واللي يجي على بالي، مش بحضر اواعصر مخي، الا طبعا اذا كنت بسوي بحث عن موضوع معين تاريخي

العصبية طبع فينا مش سهل نتخلص منه، في ناس باردة وانا احسدها لكن انا احاول قد ما اقدر اني اكون هادي

وبالنهاية مثل ماقلت هذا طبع ولازم نتعامل معاه

Heart Beat said...

فينك يا صاحب القلب الطيب

ان شاء الله يكون خير

love said...

Heart beatنبضات قلب خافق وضوء الشموع الخافت
كثير منا حين يبدأ الكتابه لايكون مستعدآ أن يقول أى شىء..ومع ذلك تجديه يكتب..لذلك يقولون الكتابه تساهيل
هناك ما يدعى "ألثريشولد" أو الحد ألأعلى..فأعصابنا لها قوة تحمل بدرجة ما تختلف منى إليك..ومن زيد إلى عمرو!!ا
كلنا يشترك فى محاولة ضبط النفس وعدم الخروج من الصورة ألمألوفه إلى الصورة التى يندم عليها كما تقولين وهى صورة منفره..هوجائيه..عصبيه ..وأخيرآ ليس للعقل أو المنطق فيها وجود
كلما تقدم العمر ياضوء الشموع تجدين نفسك قد أخذت جانب العقل والصبر على كل شىء..لتقولى وداعآ للعصبيه ..والنرفزه

love said...

Egypt roseحبيبتى روزا أو أم العزيز شــــادى
أنا أعرف أن إلتحاقك بالدراسات العليا على إختلاف درجاتها هو شىء جميل له وقع أجمل على النفس وإنسلاخ من طبقة "ألأنرجراديوات"إلى شريحة"البوستجراديوتات"
أرجو ألا يفتر حماسك وتواصلى مابدأتى به...وياريت أكون موجود لغاية ماأقولك:ياأم شادى...ياست الدكتوره
لو كان طبعك فعلآ الهدوء وأخذ ألأمور على علاتها فأنت محظرظه..وإذا كنتى لا تتواصلين مع السيجاره..فأنتى محظوظه أكثر
تمنياتى لك بالنجاح...دائمآ ياأم شادى

love said...

"Gay boy"weekly صديقى وحبيبى
والله زمان..فينك عود حميد وحيوية أكثر ونشاط وتجديد..هذه تمنياتى لإنسان أحبه وأحترمه وأقدره..من كل قلبى
ياريت تعرف ياجاى إيه ألأشياء التى تثيرنا ولا نقوى على تحملها ثم لتخرج من أفواهنا كلمات لاتحمد عقباها أو حركات لانعرف قدرها أو مداهاحتى نتجنبها ونعمل على ألأبتعاد عنها
همسه من صديق لك يتمنى كل الخير لك..والحب..والود:حاول تخفف من ألأرجيله التى هى مشبعه بالنيكوتين الذى لا يغنى أو يسمن من جوع!!ابالتأكيد ستعمل على تخفيف العصبيه والنرفزه
أنا سعيد جدآ بعودتك وعود على بدء ومزيد من التواصل...ياجاى ياحبيبى

love said...

Heart beatألأنسانه التى لاأمل من الحديث إليها أو التواصل معها
ساعات ياهارت نعزف عن الدنيا وننزوى فى ركن من أركان الحياه..لنتأمل ..لنجتر الذكريات..لنخطط لحدوث شىء ما..نريده أن يقع
فى تلك اللحظات نبتعد عن الناس حتى أعز الناس..
فى تصورى أننا كجماعه مرجعيه يربطها شىء ما نتوحد فى ظله..لانطيق أن نبتعد أو نجعل للخصام والبعد طريقآ إلينا
يارب خلينا لبعضنا ويكون الحب بينا عوضآ عن مضايقات تنالنا أو تمسنا من بعض الناس

"Gay Boy" Weekly (Blogger Ricky) said...

لعيونك يا جورج راح احاول اخفف شيشة، انت عارف انا احس بسعادة كبيرة لما اكلمك :) وسعيد اني رجعت اتواصل معاك

انا مش متأكد من علاقة الشيشة بالنرفزة والعصبية، لكن ممكن يكون في بينهم علاقة

انا يا عزيزي جورج صارت الشيشة تشكل جزء مهم من حياتي، الشيشة ايضا صديقتي

لكن راح اخفف :)) طلباتك اوامر

Egypt Rose said...

على فكرة انا حبيت تعليقك جداً جداً جداً .. واسمحلي اقولك انك انسان عظيم وانا بحبك و كنت اتمني ان اشوف هذا الانسان العظيم وجه لوجه ولكن هذا لن يغير مشاعرى

شكراً على كلماتك الرقيقة وحبك لى وانا ارجوا ان اكون محل تقديرك وان احافظ على تلك العلاقة وياريت لو عايز تبعتلي ايميل و نتكلم اكثر