عاوز الحق ولا إبن عمه؟أنا كنت باترعب لما كان
أبويا المجدس يدخل البيت ويمارس سلطاته الشرعية
وسلطة الطوارئ وكنت أنا وأخواتى غير مسموح لنا
أن نهمهم بالرفض إزاء تكشيرة أبويا أو لوية بوزه ولم
يكن ألأمر قاصرآ على أسرتنا فقط بل كان ألأمر سائدآ
بسواده على كل ألأسر التى تقع فى نطاق الجيرة أو حتى
جيرة الجيرة ناهيك عن أقاربنا أو كما كانوا يعرفون
بجرابينا فنحن نمتلك عرج صعيدى يمتد إلى مير فى
أسيوط يعنى صعايدة بالحث الذاتى وبحاروة بعد أن قمنا
بحركة عصيان مدنى وطالبنا بالإنفصال وذلك من جراء
جبل النكت الذى هبط على دماغ الصعايدة فى التليفزيون
وفى الراديو وفى ساعة لجلبك وفى أفراح البحاروة
تجولش إحنا ولاد البطة السودة؟؟
ماعلينا ألإحترام واجب عندنا للكبير نحفظ له مجامه و
نجبل يده إعترافآ بسنه وجدره،وقد مر يوم من ألأيام
ألأسبوع الماضى وكان ذكرى حرب تشرين أول عام 73
ومن يومها يابوى والمولد شغال ..ألأبطال..ألأشاوس
المغاوير..الفدائيين ..الخ إعترافآ بفضل العسكر لما
قاموا به من ألأخذ بالتار من أولاد الهرمة فريج صهيون
إللى مرمطوا بكرامتنا ألأرض وهزمونا واحد/صفر بس
بينى وبينك كان واحد مجعلص جوى جوى والصفر تبعنا
كان ياولداه خجلان ومجعمص جاعد يعيط من شدة كسوفه
ويعيط كما الحرمة ياولداه على ناس فرطوا فى أرضه
وجريوا برهوان من أدام ولد صهيون؟؟
كل أجنحة الديش بطبيعة الحال كان لها دور فى نصر
المعركة وكان الدفاع الجوى له أشاوس الله أكبر والكلام
ده اتسجل فى صفحات التاريخ يعنى لما كل سنة كانت تعدى
كنا نفتكر فريق محمد حسنى السيد اللى دوخ بنى صهيون
وكسر عضمهم بألأشاوس تبعه ...وده مش كلامى ده كلام
قالوه لنا وسجله التاريخ اللى مايغش ولايكدب...بذمتك
انت معايا ولا تلاجيك نمت وشادد اللحاف وبتشخر؟؟
البطل اللى ..والبطل اللى...والقائد اللى..والزعيم اللى
كلام حلو كان بيخرج ودانا ومن كتره حفضناه وكنا
بنسمعه لنفسنا وبنحلم بيه فى نص الليل.ا
إلى أن قامت الثورة المجيدة فى كانون تانى وهب طار
فى الهوا شاشى وانته....وتبدلت الكلمات إلى سبابات
وتحول المديح إلى سيل من الشتائم ومرة واحدة إتلحس
كل اللى اتجال ...ياسنة سوخة ياولاد...الراجل وجع
ياردالة لكن لن له حسنات له ماضى ...جول له هفوات
كانت ورود على صدر أمنا مصر بينى وبينك زعلت جوى
جوى لما كل الناس جابوا ذكرها على كل لسان إلا الراجل
المتهم اللى اسمه محمد حسنى السيد وده أكدلى إن أخلاج
الجرية هف طار وان بلدنا أصبحت تتمتع بنكران الجميل
وياريت نفتكر المثل اللى بيجول :أذكروا محاسن مرضاكم
تعالوا نجول:محمد حسنى السيد جدم خدمات زين لمصر
بس النفس أمارة بالسوء والشيطان شاطر وزى أبونا
آدم ماوجع فى الخطية ‘منا محمد حسنى السيد كان ضعيف
أدام كيد النسا وعمل ضهره جنطرة ليهم وحصل اللى حصل
ياريت نجول للراجل كل سنة وانت طيب وشكرا على اللى
جدمتهولنا ياريس...سابقآ
جيم أوفر
No comments:
Post a Comment