إرحمنا يابو دقن وقولنا هو لحم الخنزير حرام؟؟

www.fao.org/ag/againfo/themes/.../meat/backgr_composition.ht

بطبيعة الحال لايمكن العنوان أعلاه عنوان بيتنا،أو عنوان

الحلاق إللى ساكن جارنا،ولكنه موقع لمنظمة ألأغذية و

الزراعة ومقرها إيطاليا حيث استجمعت شجاعتها وقامت

مشكورة وغير مقهورة بمنحنا التركيب البنائى لبعض

أصناف اللحوم،ولم يكن القصد أو عقد النية لأن أقوم

برفع الضغط عند سيادتك أو أن أحدث فى جسم 

سعادتك حساسية لدى رؤيتك للى ماتسماش والتى كانت

زمان تعرف باللحمة أما اليوم فأصبحت لاتراها إلا فى متاحف

آخر زمن والتى يطلق عليها من باب الدلع محلات الجزارة و

الواقع أنها أصبحت محلات لزيادة ألأرتيكاريا لدى خلق الله

وإللى مش عاجبه يرحل ؟؟

الجدول المرسوم يعلن أن لحم الخنزير لايختلف عن لحم البقر

أو لحم التور ولامؤاخذة يعنى كلهم فى الهوا سوا وماحدش

أحسن من حد...؟؟

أمال إيه الهوسة والغاغة إللى أبودقن وأبو لحية عاملها وكل ما

يتكلموا يقولك لا..لا..لاتأكل لحم الخنزير،إنه حرام وممنوع 

التصوير أو ألإقتراب..وعليه الطلاق لو أكلت منه هتروح

النار وماليش دعوة بيك...إنت إللى اخترت وانت إللى أكلت

ياناس بطلوا إستهبال وقولوا تفسير مقنع أو سبب عليه الطلا

علشان نقولكم سمعآ وطاعة..إحنا متشكرين على معلوماتكم

العلمية ولو أكلنا من لحم الخنزير خلوا جمعية ألأمر بالمعروف

والنهى عن المنكر الموجودة فى بلاد ألأجلاف،ولعلمكم ستفتتح

قريبآ لها فرع فى مصر المحروسة !!اخدونا من الدار للنار واحنا

آسفين وحقكوا علينا.ا

*************************

فى بلاد الكفرة والمشركين لما وفد من برة يحب يقعد مع وفد من جوة

يعنى جلسات مباحثات بنشوف كبايات بيسموها بالخوجاتى كؤوس

وهى جمع كاس لتصب فيه من أنواع الخمور مالذ وطاب..إشى

ويسكى،وإشى كونياك،وإشى فودكا لكن لافيه بوظة ولاطافية

الأصناف العرة دى مش موجودة إلا حدانا فى الكفر أو فى ميت

حدر بالمنصورة ومايستخدمهاش إلا الناس إللى ضاربها السلك

ويدوبك يشربله قرعاية بوظة علشان ينسى إللى شايفه من مراته

أو إللى مورياهوله حماته،أو لما يفتكر إن ابنه قاله النهاردة يابا إنت

شفت الدبيحة إللى معلقها المعلم قورمة إللى على الناصية إللى

فى الحارة؟؟يقوله بكل برود وعنيه بتطق شرار:ا

ياد ياعبيط دى لحمة حمير مضروبة وانت عارف إننا ماناكلش إلا

الإنتركوت ألأصلى أو الضانى ألأوزى إنت نسيت ولاإيه؟؟

هذه هى بعض المشاكل التى تأتى وراءها مقررات النكد اليومية

التى لايجد الفحل منهم سوى أن يعبى ويديها بوظة ولعلمك

فتأثير البوظة كتأثير الفودكا تمامآ والنتيجة النهائية هى الغيبوبة

عن الدنيا والخدر اللذيذ ونسيان اللحمة واللى منع اللحمة و

اللى رفع سعر اللحمة ومش عارف ليه دايما لما الواحد منهم ينبسط

ويمخمخ يذكر الدنيا بكلام قبيح ياى سوفاج خالص مش فاكر بيقولوا

إيه...أم الدنيا ...حاجة زى كدة مش بقولك سوفاج خالص؟؟

لما تسأل الخواجة إللى بيشرب كاس أو كاسين من الفودكا ليه ياخواجة

بتشرب الخمرة دى حرام وربنا هيدخلك سقر أو هتنام نوم العازب فى

السعير،تجد أنه مذاكر لما يقولك على الفور:شوف خبيبى الخمرة دى

لها فوايد للأنا وللأنت،منها لما تشرب كاس وماتزودش عن اتنين

يحصل لك زيادة فى التركيز لما بتكون بتفكر فى حاجة علشان 

كدة بنشرب الخمرة فى المباحثات أو المفاوضات وقصدنا شريف

والله أنه مفيش حد يضحك علينا أو زى مابتقولوا عندكوا

يستكردنا أو الشعب بتاع إلأحنا يقول علينا كروديات

ولم أكن أعلم أن الخواجة إبن الإيه يعرف معنى كروديه وكروديات

الظاهر أنا إللى طلعت كرودية لما صدقت أخونا أبو دقن وعمنا

أبوزلومة لما قال الخمرة حرام..حرام عليك ياأخى ده أنت طلعت

كرودية وصدقت إللى بالى بالك لما حرم الخمرة..قطيعة تقطع ألأفيون

وسنينه والهريسة واللى بياكلوها..المرة الجاية هاقولك إيه حكاية

الهريسة دى باى باى كمبورة 

يارب أشوفها وتكون مكتوبالى..قول يارب ويايا

فى بلاد الواق الواق،أو بلاد تركب ألأفيال كان العبد

لله فى زيارة تاريخية لها بقصد التعرف على أحوالها 

وما عليها ومالها،فهى بلد جديرة بالتأمل والبحث فقد

وطئها الغازى الذى لم يكن له تاريخ سوى أنه كــــــان

ضليعآ فى السلب أو النهب،وكان من علية القوم لديه

من يدعى أبو جهل وأبولهب ومعاهم أبوسفيــــــــــــان

وكلهم كانوا حفاة أو عراة لدرجة أن كان من طقوسهم

المعروفة أن يلفوا ويدوروا حول بناء مكعب الشكل

يتوهمون أن مايعرف بجنس الملائكة قد شمروا عن 

سواعدهم وبنوا هذا البناء الذى يطوفون حوله ويتعلقون

بأستارة رغبة فى نيل البركة والرضا من رب العباد؟؟

إلا أن طائفة منهم كانت تدعى بالحمس راسها وألف

برطوشة ألا تطوف حول الدار المكعبة إلا وهى قالعة 

بلبوص يعنى ولامؤاخذة بدون "أندروير"،ويقال والعهدة

على الراوى أن ذلك كان مبالغة فى التقرب إلى رب العباد

وقد طقت فى دماغهم أن يضعوا حجرآ قالوا فيما قالوا

أن الرب قد أنزله ليبارك الناس به،ومنهم من قال إن هذا

الحجر له عينان،ولسانآ بل وشفتان،يرى ويلاحظ مايفعله 

القوم من حركات تفطس من الضحك حيث يتناولونه 

بالقبلات وألأحضان ويتوهمون أنه شاهد على مايفعلون

وعليه فسيقوم بأعمال السفارة للرب ويبلغه بأن فلانآ بن

فلان قد قبلنى من الخد ده والخد ده فأدخله يارب جنتك

واتوصى به وبدل أن تنعم عليه بامرأة واحدة،علشان 

خاطرى إجعله مثل ماكان حكام ألأجلاف وأمرائهم فى الدنيا

يتزوجون بأربعة وماملكت أيمانهم..وماحدش واخد منها 

حاجة،الست من دول تدلعه وتشخلعه وتنسيه الهم والغم

ده من واحدة فمابالك بأربعة؟؟لأ فما بالك بخمسة وأربعين؟؟

هكذا كان الرائد يملك الكثير من الستات وقد برر ذلك بأن

الرب هو الذى كان يأمره بذلك وطبعآ أوامر الرب نافذة

وعلينا السمع والطاعة؟؟

لكن الذى يؤرقنى وبينى وبينك لم أجد له إجابة تشفى غليلى

هو أنه كيف كان يقوم بالواجب الزوجى مع خمسة وأربعين؟؟

يالهوى أنا باسمع إن الراجل من دول حياله لو قام بالواجب

المقدس ليلة الجمعة ولاحظ أن ليلة الجمعة بالذات مقصودة

ولها سبب،فيقال أن الحسنات ترفع إلى الله يوم الخميس 

الساعة 12بالليل وطبعآ لايخفى عليك أن أرقى درجات 

الحسنات والطيبات هو الواجب المقدس الذى يتبارى فيه

الرجال كأنهم كانوا يقودون معركة حربية،أو عرض للقوة

والرجولة،إحنا ورانا إيه...هكذا يقول حال لسانهم ..ا

ومن كان تابعآ لأشرف خلق الله،وأفضل مخلوقاته ومن خلقت 

ألأرض والسماء(؟؟)من أجل سواد عيونه لابد أن يطوف بهذا

المكعب ولو مرة واحدة فى حياته السعيدة حتى يفعل مثلما كان

يفعل الحمس وغير الحمس من طواف أو تقبيل لحجر قبله

رائدهم وشيخ طريقتهم؟؟

كان هذا الرجل لابد وأن يختلف مع كل من سبقه من أفضل البشر

والذين يلقبون بالرسل أو ألأنبياء فقد إختلف ألأستاذ مخالف

مع الحمس فى عدم الذهاب إلى جبل يدعى عرفات،واعتبره

وجوبآ وإلا فالحك غير كامل؟؟

وأصل الفعل حــــــــك وليس حج،فقد كانوا يحكون أجسادهم

فى الحجر الذى له عينان،أو يمتلك شفتان؟؟ويقال أنه كان

حجرآ شفافآ،ولكن من كثرة الحك أصبح مهبب كالهبابة السودة

فقد قال أحدهم وهو يسمع تلك التحشيشة،،لآياحمار ده لون 

الحجر كان أبيض ولكن من كثرة ذنوب البشر بين يوم وليلة

أصبح لونه أسود ولون الهباب أو فحم البورى؟؟

كل عام يهرع الناس إلى أرض ألأجلاف كى يطوفوا،ويبوسوا

ويعيطوا،وينهنهوأ..وأهو على رأى ألمثل رزق الهبل على المجانين

كل عام كام ألف يعيط وينهنه ويقول يارب إكتبهالى...نفسى

أروح وألمس شباك الخزنة إللى مدفون فيها حبيبى وتاج راسى

إللى هايكون واسطة عند الرب يوم الحساب ويقوله يارب

علشان خاطرى بلاش الراجل ده يصقط ويعيد السنة أحسن

ده غلبان وعلى قد حاله؟؟

كم من الملايين تنفق بل تنزف من لحم الحيى لتذهب إلى بطون

ألأجلاف؟؟

ألا نستطيع أن نتبع أسلوب بعض البلاد (الفليبين)ونبنى مكعب

ليطوف الناس حوله وعلى رأى المثل:سكة أبوزيد كلها مسالك

ياعالم ياهوه بلدنا بتتحرق والأقتصاد بعافية حبتين،ووزارة

المالية مدت إيدها للى يسوى واللى مايسواش!!اوماأحد يوافق

على السلف ويبدو أن العالم يؤمن بالمثل الذى يقول:ا

السلف تلف والرد خسارة

ميعادنا نتقابل يوم العاشر من ذى الحجة(آحذ بالك من الحجة 

دى)لكن على شرط بدون ألأندر وير يعنى حمس فى حمس

فياجرا..حشيش..بلابيع..أحمدك يارب

من الممكن أن تعرف أو تعلم علم اليقين أن الشعب

المصرى شعب يقدس الجنس ويسعى إليه برهوان

فلو كنت صيدليآ لأمكنك أن تقوم بعمل إحصائية حول

فترات الذروة التى تجتاح الصيدلية بقصد شراء نوع

معين من الدواء،وعلى سبيل المثال تزداد مبيعات اللى

مايسماش ليلة الجمعة أو يوم الخميس وبالمناسبة

فقدت الجماهير المصرية ولاءها واحترامها لدواء

الفياجرا وانتقلت بعون الله لتشجع اللعيبة ألآخرين

من إيريك،أو نابى فيت أو غيرهما مما أفاء الله به

على الشعب المصرى من خيرات بقصد الفرفشة

والوصول بعون الله فى تلك الليلة إلى أقصى درجات

اللذة والإنتعاظ....؟؟

وبذلك يثبت الشعب المصرى بجدارته والتزامه نحو

أداء الواجب المقدس خاصة فى تلك الليلة المفترجة

حيث الحسنة بعشرة أمثالها ،أما التلامذة البلدة أو

المقصرين فى أداء واجبهم الشرعى فبالتأكيد سوف

تكتب على أكتافهم سيئات وبلاوى زرقه وسودة وعلى

كل لون ياباتستة!ا

هذه هى طبيعة الشعب المصرى الكريم لايفرط فى أداء

الواجب ومن ثم نصطدم كل 24ثانية بضيف دمه تقيل

يوأوأ ويصرخ ويقلب حلوك مر من كتر العياط وتجرى

على الدكتور وغصب عنك تستلف علشان تصرف 

الروشتة التى أصبحت لاتقل فى المعتاد عن 25جنيه

لعلاج شوية برد،أو حبة لوز ملتهبين؟؟

ماكنا فى عنى عن ده وكان ممكن خمسة وعشرين جنية

نشترى بيهم نص كيلو لحمة أو تلات أربع لحمة صومالى

تسد جوع العيال وترم جسمنا ؟؟مش كدة ولاإيه؟؟

******************************************

فيه مدونة لاداعى لذكر إسمها الظاهر من تحررها بتحب

السكلان،وعلى رأى أخونا الفقيد محمر الجدافى بتوع

البرشام واللى هيحاربهم وهيطير وراهم بيت بيت و

زنجة زنجة؟؟الست يبدو أنها زودت الجرعة حبتين ومن 

المعلوم أننا قد ورم مخنا أثناء دراسة علم ألأدوية أو

مايعرف تحت إسم "ألأقربازين"من أن كل جوهر أو

مادة تؤثر على جسد البنى آدم له حد أعلى وحد أدنى

للجرعة المسموح بتناولها،وطبعآ البنى آدم غير البنى

حمار فلكل نصيب وياتخيب ياتصيب وياتفوق من اللى

عندك ياتتكل على الله،المهم أنك تنفعنا وتشترى شنطة

دوا وبعدها مااعرفكش ولاشفتك قبل كدة.ا

الست هانم زودتها حبتين وكانت النتيجة أنها بتهلوسبشرى أن مخك سينقرض ،

ويوم ورا يوم الهلوسة بتزيد وأقدر أقولك انها فتحت

على الرابع ومتصورة أن بابا محمد حسنى السيد مازال

فى سدة الحكم(حلوة سدة الحكم)وأن ماحدث هو قلة 

أدب وألأدب فضلوه على العلم،ده طبعآ لو سابوا لنا علم

أو علمونا أدب؟؟

مستميتة فى الدفاع عن بورتو طرة،وأن العيال ألأوباش

إللى مفكرين أنهم عملوا ثورة هييجى عليهم اليوم إللى

هيتلموا فى الزنازين ويتحاكموا بدل بابا محمد حسنى السيد

ياحاجة بطلى إللى بتبلبعيه ده..فحبوب الهلوسة دى مجرمة

عندنا ولاتصرف إلا ببون توكسيك والعملية مش سايبة 

زى مانتى متصورة البلد فى حالة نقاهة من اللى حصل لها

من سرقة ونهب ليس إلا أما البلابيع إللى بتاخديها

فابشرى أن خلايا مخك سوف تتآكل وسوف لاتتعرفى

على أحد ،يعنى لو بابا محمد حسنى السيد شفتيه بتحاكم

فى القفص هاتقولى..العبيط أهه..إنت ياراجل هو مراتك

رافعة عليك قضية نفقة؟؟ده راجل هزء أوى؟؟

لاحول ولاقفة من غير ودان...هىه دى نتيجة البلبعة

ياقطة....ياقطة...ياقطة

فى بوركينا فاسو تغيرت الحياة فقد لاحظت أن بعد

الثورة التى قامت على أكتاف الشباب هناك أن معدل

الجريمة قد زاد،وعمليات الخطف واغتصاب النساء قد

ازدادت،أما السرقة فعنها ولاتحدث فقد توحش اللصوص

وشم نفسه كل حرامى أو مفعوص وكلمة فى سرك أصبح

الناس غير آمنين لاعلى أنفسهم ولاعلى أموالهم والحالة

زفت وقطران،بعض الناس من البوركينافاساويين يقولون

أن هذه من نتائج الثورة،وأننا كنا فى عهد سى السيد أكثر

أمنآ وأشد أمانآ،ولكن بينى وبينك ده منطق الناس الكسر 

الذين لايرون سوى ماتحت أقدامهم فقط أما النظرة للأمام 

أو العيشة عل أمل بكرة فليست فى حسبانهم.ا

أتذكر أنه قد وقع فى بوركينافاسو منذ حوالى 59سنة 

بالتمام والكمال ثورة ولم تكن ثورة شعبية بل كانت ثورة

العسكر وقد أيدها الشعب ومن ميزاتها أنه كان لها أهل

أو أصحاب ولو أنهم لم يكونوا على دراية بالسياسة

حتى أن كبيرهم قال يومآ لواد على أد حاله كان فرحان

بنفسه وبيشتغل مدرس جامعة على أد حاله كدة:يابنى

ماتتكلمش فى السياسة لأن السياسة مش علم السياسة

دى فهلوة ؟؟وإذا نطق الزعيم فلابد أن يسكت الجميع

حتى لوكان المستمع عميد كلية الاقتصاد والعلوم السياسية

بجلالة أدره،وإلا كان حمزة البسيونى ياخدة فرقة تدليك

وبعدها حصة ورنيش وبعدها الزبون مايدريش إذا كان 

بسلامته راجل ولا ست؟؟والمعنى فى بطن الشاعر وطبعآ

انت شاعر وحاسس بكل الكلام اللى باقولهولك؟؟

المرة دى تأكدت أنه لايوجد زعيم ولا يحزنون،الكل بيشتغل

من دماغه،والكل مفكر نفسه آينشتاين زمانه أو وحيد عصره

والعمليه بازراميط فى بازراميط؟؟

ياسنة سوخة ياولاد طيب وبعدين قعدت أفكر وكل ده وأنا

فى بلاد الأحباب فى بوركينافاسو موطن الذكريات وخزينة

ألآهات...إلى أن قطع خلوتى واحد فاساوى طويل وعريض

أسود اللون يبدو أن أبوه كان مهاجر من زفتى وأخذ

الجنسية البوركينوفاساوية والبلية لعبت وياه ،أفتكر أنه

فتح دكان عجلاتى بيكسب فى اليوم من خمسة جنيه

لخمسة جنية ونص،ياكل ويشرب ويركب مواصلات 

ويشترى الجرايد علشان يعرف أخبار البورصة أو سعر

جرام الدهب النهاردة وصل كام؟؟

إلا أنى لاحظت أن هناك استطالة ما فى آذانهم،وأن صوتهم

قد تحشرج،أو أن التون بتاعه أصبح قريبآ من نغمات 

الكونترباسات فسألت صديقى ليه؟؟

شرح لى صديقى بكل أمانة وصدق أن البوركينوفاساويين

من أثر الهم والغم الذى طالهم بعد الهوجة ألأخيرة وبعد

أن أصبحت الحالة ناشفة ومافيش فلوس ابتدوا يدوروا

على حاجة تنسيهم الهم والنكد إللى عايشين فيه ففريق 

منهم توجه لبائعم البودرة،والحشيش،والبانجو،وفريق

إكتشف شيئآ آخر،فالبوركينوفاساوى ياسيدى مخه شغال

طول اليوم وتايهة ولقيناها..ليه مانكونش مبتكرين أو

مبدعين؟؟يعنى ألإبداع والتجديد والإختراع والتحديد

مايقدر عليه إلا الباز وزويل أو ماركونى ولا آينشتاين؟

دى بوركينافاسو طول عمرها ولادة..وعندها حضارة سبعة

آلاف سنة وبرضه سنة تنطح سنة..وبص شوف فاسو بتعمل

إيه...حقيقة طول عمرك يافاسو ولادة وبتفتخرى دايمآ

باولادك..مين إللى اخترع البورى إللى الحجر راكب عليه

ولاأجدع طربوش على دماغ أغا أفندى...والواحد منهم

يشد فى البورى لغاية النار ماتسهرج وتقول أنا أهه؟؟

مين يقدر ينكر أن بوركينافاسو العظيمة هيه إللى اخترعت

ألأهرامات الحديثة فى شوارعها وغيرت إسمها من 

أهرامات إلى زبالات؟؟فى كل شارع تلاقى كوم زبالة ..وانت 

وحظك ياتلاقى جنبه كلاب جعانة وواقعة من قلة ألأكل،أو

قطط سعرانة مش لاقية قوت يومها ياولداه!!ا

مش باقولك البوركينوفاساويين عندهم حضارة سبعة آلاف

سنة؟؟وبرضه أفكرك بأن سنة بتنطح سنة

ناس تانيين حالهم دقه والدقه هى خليط من البهارات 

كان لايأكلها سوى الناس الوقعانين واللى مش لاقيين

ياكلوا!!ا

واحد منهم قال مانجرب البرسيم...أيوة البرسيم سعره رخيص

لونه جميل،سهل الهضم،له إسم موسيقى جميل..لما تقول

لبنتك:يابت إنزلى هاتى لنا علو برسييييم كلمة لها وقع

موسيقى والبنت موش هاتتكسف وهيه بتشترى أو حتى لما

تقول الراجل ياعمو إدينى برسيييم ولازم تمدها علشان

يحس إنها بنت ناس ومثقفة؟؟؟

وبالفعل تمت تجربة أكل البرسيم ،ونجحت بل قام فريق آخر

ممن لهم شرف الإنتماء لبوركينافاسو بأن عصروه وشربوه

وأصبح فى الشوارع معاصر مخصصة لعصير البرسيم

نظرآ للقبول الفائق لهذا المنتج الجديد..وعلى فكرة الراجل

إللى اخترع حكاية عصير البرسيم دى قدمها لوزارة البحث

العلمى وسجل بها براءة اختراع...بعد مادوخوه وقالوله

الوزارة موش لاقيه ورق تكتب عليه براءة إختراع ،أصل

ميزانية البحث العلمى على أدها جدآ وكلمة فى سرك 

الميزانية أقل من 2/10%من الناتج القومى لبوركينافاسو

العظيمة...تصدق دى؟؟أنا لاأصدق ..وإن كان الكلام ده صحيح

أنا سأعترض وبشدة ولوماسألوش فيه هاشتكى فى مجلس

ألأمن حتى لو السيد نوداما رئيس الملايات المتحدة رقع

فيتو هطلعله لسانى وهاقوله فيتو إيه يابو فيتو ده احنا بتوع

الفاسو وهنرقعك كام واحد فاسو موش فيتو ..إنت مفكر إيه

على فكرة من يوم بوركينافاسو ماخترعت عصير البرسيم

وطلبات الدنيا نازلة ترف عليها لشراء براءة ألإختراع

تحذير هام

عند شرائك كوب عصير البرسيم قد يحدث أن يزداد طول أذنيك بمقادير غير محسوسة

إلا أنه على المدى الطويل قد تنافس إللى مايتسمى ،أو يتحول صوتك إلى مايشبه

تغريد إللى مايتسمى فلا تنزعج،فهذا من ألآثار الجانبية الغير ممكن شفائها

وكله على الله

كان معكم جورج يحدثكم من محل عصير البرسيم فى بوركينافاسو

على كل لون ياباتستة

المصريون لما الواحد منهم مايكونش له مزاج يتكلم أو ياخد 

ويدى وياك فى الكلام يقولك حل عنى أنا قرفان وماتتكلمش ويايا

أو يبصلك من فوق لتحت ويقولك مليش مزاج أرد عليك؟؟؟؟

تعرف إنى حاليآ ماليش مزاج أتكلم مع حد!!ولا عاوز أبص فى

خلقة أى بنى آدم،حتى المرضى إللى باتعامل وياهم مافيش نفس

أتكلم وياهم زى زمان ..يعنى كلمة من هنا وكلمة من هناك على

ضحكة حلوة من الجنس اللطيف أو نكتة دمها حلو خفيف من

شباب زى الورد بيسألوا على قرص ترامادول وحياتك يادكتور

أصل دماغى هايفرقع ومش قادر على الصداع؟؟؟ياخسارة على

شباب مصر الحلوين إللى المفروض إن مصر بعد 25كانون تانى

هتبنى نفسها بيهم وهاتخرج من عنق الزجاجة برضه بيهم؟؟

معناة الكلام إن المستقبل مظلم طالما الشباب بيبرشم أو بيضرب

أنفاس أو بيشم بودرة وبيطلع من مناخيره دخان وإذا لزم ألأمر 

يطلع الدخان من ودانه ..ماهى مصر على غير مثال بنت الهرم

وأولادها لعبوا بيه لغاية ماتخرم!!ا

بالذمة ده كلام ياعبد السلام؟؟

إيه إللى بيحصل ياناس؟؟دقون واصلة لغاية وسطهم ويقولوا

قال الله وقال الرسول وإحنا عايزين شرع ربنا يطبق فى مصر

يعنى إللى يسرق تنقطع إيده،وإللى يزنى نقطعله مش عارف

إيه(المعنى فى بطن الشاعر)ولامؤاخذة...طيب إللى يخطف ثورة 

يامولانا نعمل فيه إيه؟؟ياترى نهشتكه وندلعه ونقوله برافو

ياعم الشيخ..أحسنت ثم أجدت ثم خسئت إلى مالانهاية وياريتك

تعرف يعنى إيه مالانهاية،أصل المالانهاية لم تكن فى عصر

الرسول يعنى ليست من أبجديات السلفية،أو من أدبيات ألإسلام

يعنى لم تكن موجودة من 14قرن..قرن ينطح قرن؟؟؟

ياناس حرام عليكوا التهريج إللى عايشين فيه من سلفية أو

أصولية..أو بامية أو فاصولية.ا

أول إمبارح بسلامته المتحدث الرسمى لجماعة ألألوان وعلى

فكرة كان فيه راجل يهودى كان يشيل كام توب قماش على

كتفه والمتر فى إيده وينادى ويقول:على كل لون ياباتسته

والنسوان عاديك يتلموا عليه وضحكة من دى وسرسوعة من 

دى يبيع الراجل كل الباتستة ويلم الفلوس وبرضة وهوه

راجع تسمعه ينادى ويقول:على كل لون ياباتستة...!!ا
على فكرة اليهودى ده بيفكرنى بأخونا إللى يقول أى كلام
لكن المهم إن دستور مصر لازم يطبق الشريعة ألإسلاميه
والكلام ده بيقوله رايح جاى حتى بعد مايبيع الباتستة و
يلم الغلة من السعودية أو قطر أو حتى بوركينا فاسو مش
مهم المهم يبيع وبس؟؟

نرجع لأخونا الفقيد المتحدث الرسمى إللى كان كلامه كله

دلع وتسييح فى زين الرجال الهمام الطيب رجب أردوغان

أصله راجل مسلم على حق،وقدر بقدرة قادر أن يرفع بلده

من الحضيض أو سابع أرض لفوق فوق أوى لسابع سما

يعنى بالعربى كان عنده أردوغان أحسن من الكافر آينيشتين

أو المدعو أحمد زويل على ألأقل ده رئيس حزب إسلامى

ولايتعامل مع الكيميا أو السيميا ولا علوم الشيطان؟؟

واستمر الحال على هذا المنوال لغاية المدعو أردوغان

مافلت لسانه وقال يجب أن يكون إتجاه مصر إتجاه علمانى

ياسنة سوخة ياولاد..علمانى يعنى الراجل ده لامسلم ولا

يحزنون..وعنها وبعد تلاتين ثانية طلع علينا المتحدث 

الرسمى للسكلان بأن أردوغان ده مش مننا ولانعرفه

ولاعاوزين نجيب سيرته..ده طلع من الكفرة...العلمانيين

بالذمة ده كلام ياأردوغان؟مش كنت تاخد تصريح قبل

ماتفتح بقك...أو كنت تحاسب على كلامك..يخونك الطبيخ

إللى طفحته فى بيتنا..والملوخية إللى شربتها 

الظاهر أردوغان ماسماش قبل مايشرب الملوخية..ويقال أنه

بعد ما طفح ألأكل نام وسمعوه بيحلم وبيقول أقسم بالله

إن الناس دى مخها طاقق وماهم فالحين لافى ثورة ولاحتى

فى مسح السبورة بالباشورة...وعجبى